श्रीमान्को फिल्मलाई लिएर बलिउड अभिनेत्री दीपिका किन उत्साहित ?

काठमाडौँ– बलिउड अभिनेत्री दीपिका पादुकोण आफ्नो श्रीमान् रणवीर सिंहको नयाँ फिल्मलाई लिएर उत्साहित छिन् । रणवीर सिंहको आउन लागेको फिल्ममा अक्षय खन्ना, सञ्जय दत्त, आर माधवन र अर्जुन रामपालको पनि मुख्य भूमिका रहनेछ । दीपिकाले आफ्नो आधिकारिक इन्टाग्राममा रणवीर, अक्षय खन्ना, सञ्जय दत्त, आर माधवन र अर्जुन रामपाल र निर्देशक आदित्य धरको आगामी एक्सन थ्रिलर फिल्मको पोष्ट सार्वजनिक गरेकी छिन् ।

दीपिकाले पोस्टरसँगै एउटा ब्ल्याक इमोजी पनि राखेकी छिन् । यसभन्दा पहिले रणवीर सिंहले पनि आफ्नो एक्सन थ्रिलर फिल्मको आधिकारिक घोषणा इन्टाग्राममार्फत सार्वजनिक गरेका छन् । रणवीर सिंहले पोष्टर सार्वजनिक गर्दे लेखेका छन्, ‘यो मेरो प्रशंसकको लागि हो । जो मेरो साथ धेरै धैर्य गर्दै आएका छन् । यस मोडको लागि शीर झन ठाडो भएको छ ।’

उनले अगाडि लेखेका छन्, ‘म तपाईहरु सबैलाई माया गर्न सक्छु । साथै वाचा गर्छु की यस पटक यस्तो सिनेमा अनुभव मिल्ने छ जुन पहिला कहिल्यै मिलेको थिएन । तपाईहरुको आर्शिवादको साथमा हामी यस सानदार, ठूलो मोसन पिक्चर एड्भेन्चरको लागि उत्साहित छु । शुद्ध उर्जासहित सुरुवात गर्नेछु । यस पटक व्यक्तिगत हो ।’

यस फिल्मको निर्माण जियो स्टुडियोको ज्योति देशपाण्डे र लोकेश धर र आदित्य धरले आफ्नो ब्यानर वी ६२ स्टुडियोमा गरेका हुन् । यस फिल्मको सुटिङ आधिकारिक रुपमा स्रु भइसकेको छ ।