सुनको भाउ ४०० रुपैयाँले बढ्यो, कतिमा हुँदै छ कारोबार ?

काठमाडौँ– सोमबार नेपाली बजारमा सुनको भाउमा प्रतितोला ४०० रुपैयाँले बढेको छ । नेपाल सुनचाँदी व्यवसायी महासंघका अनुसार सुनको भाउ बढेसँगै प्रतितोला एक लाख ४६ हजार १०० रुपैयाँमा कारोबार भइरहेको छ ।

आइतबार सुनको प्रतितोला एक लाख ४५ हजार ७ सय रुपैयाँमा कारोबार भएको थियो । साउन २ गते सुनको भाउ हालसम्मकै उच्च १ लाख ४९ हजार ८ सय रुपैयाँमा कारोबार भएको थियो ।

यस्तै गरी चाँदीको मूल्यमा पनि प्रतितोला १० रुपैयाँले बढेको छ। अघिल्लो दिन प्रतितोला १७४० रुपैयाँमा कारोबार भएको चाँदी आज १७५० रुपैयाँ कायम भएको महासंघले जनाएको छ ।