यसकारण  घरमा नराख्नुस् पुराना, च्यातिएका प्रयोगविहीन कपडा

वास्तुशास्त्रका अनुसार घरमा रहेका केही वस्तुले सकारात्मक र केहीले नकारात्मक ऊर्जा ल्याउँछ ।

सकारात्मक ऊर्जा भएका वस्तु राख्दा घरमा सुख–समृद्धि छाउनुका साथै आर्थिक समृद्धि भित्रिन्छ भने नकारात्मक ऊर्जा भएका वस्तुले हानी नोकशानी मात्रै गर्छ ।

धेरैको घरमा पुराना कपडाहरू फोहोर हुन्छ भनेर फाल्ने वा पेलेर डसना सिरक बनाउने गरिन्छ । तर वास्तुशास्त्रका अनुसार पनि पुराना च्यातिएका कपडाहरू घरमा राख्नु हुँदैन भनिएको छ ।

वास्तु शास्त्र अनुसार फाटेका, पुराना कपडाले करियरमा बारम्बार बाधा निम्त्याउने गर्छ ।

वास्तुशास्त्रले कपडाको सीधा सम्बन्ध भाग्यसँग हुन्छ भनेकाे छ । घरमा काम नलाग्ने, फाटेका, पुराना कपडाले सधैँ दुर्भाग्य निम्त्याउने जनाएको छ । त्यसैले घरमा प्रयोगविहीन पुराना, फाटेका कपडालाई विस्थापन गर्नु उपयुक्त हुन्छ ।