काठमाडौँ– अशोक थापामगरले लेखन तथा निर्देशनमा रहेको फिल्म ‘खुस्मा’ को पहिलो गीत सार्वजनिक गरिएको छ। फिल्मको ‘खुसीका फूल बटुलेर’ बोलको गीत मंगलबार सार्वजनिक गरिएको हो ।
गीतमा एसडी योगी र विज्ञानी पराजुलीको स्वर रहेको छ । राम अविरल विष्टको लेखन रहेको प्रेमिल गीतमा एसडीकै संगीत रहेको छ ।
गीतको भिडिओमा अभिनेता धिरज मगर र अभिनेत्री उपसना सिंह ठकुरीको प्रेमभाव देखाइएको छ । भिडिओलाई सुरेन्द्र राईले कोरियोग्राफी गरेका हुन् ।
विर बहादुर लामा, चन्द्र बहादुर भट्टचन र बेतान मगर निर्माता रहेको फिल्म आगामी असोज ३ गते संविधान दिवसको अवसर पारेर प्रर्दशनमा आउनेछ ।
यो खबर पढेर तपाईलाई कस्तो महसुस भयो ?
प्रतिक्रिया