अक्षय कुमारको ‘सरफिरा’ को एडभान्स बुकिङ खराब अवस्थामा

काठमाडौँ – सरफिरा १२ जुलाईमा रिलिज हुँदैछ तर रिलिज अगावै फिल्मको अग्रिम बुकिङ सुरु भइसकेको छ । रिपोर्टका अनुसार फिल्मले खासै कमाई गरेको देखिदैन ।

बडे मियाँ छोटे मियाँ फ्लप भएपछि अब बलिउड अभिनेता अक्षय कुमार यो वर्षको आफ्नो अर्को फिल्म हलमा ल्याउने तयारीमा छन् । उनको साहसिक फिल्म सरफिरा जुलाई १२ मा रिलिज हुँदैछ। रिलिज अगावै फिल्मको अग्रिम बुकिङ सुरु भइसकेको छ । तर फिल्मले खासै कमाई गरेको देखिदैन ।

रिपोर्टका अनुसार सरफिराले पहिलो दिन अग्रिम बुकिङबाट अहिलेसम्म रु ७ लाखभन्दा बढी आम्दानी गरेको छ । अक्षय कुमार स्टारर फिल्मले अहिलेसम्म ३ हजार ९३९ टिकट बिक्री गरि कुल ७.२३ लाखको व्यापार गरेको छ ।