‘टाढा टाढा’ मा सोफी र प्रभातको रोमान्स

काठमाडौँ- गायक केदार बरुवाल क्षेत्रीको स्वर तथा संगीत रहेको टाढा टाढा बोलको गीतको भिडियो रिलिज गरिएको छ । हाल अष्ट्रेलियामा बस्दै आएका गायक बरुवालकै शब्द सिर्जना रहेको टाढा टाढामा एक प्रेमील जोडीको प्रेम, रोमान्स र विरहको कथालाई देखाइएको छ । 

कहिल्यै नछुट्टीने वाचा कसम खाएको प्रेमील जोडीको यो रोमान्टिक प्रेम कथालाई निर्देशक केशवराज  भट्टले निर्देशन गरेका हुन् । जहाँ सुन्दरी मोडल शोफी धरेल र ह्याण्डसम मोडल प्रभात पल ठकुरी गज्जबसँग खुलेका छन् ।

कहिल्यै नछुट्टिने कसम खाएको यो जोडी एकाएक छुट्टिनु पर्दाको वियोगान्त गाथालाई साढे ७ मिनेटको भिडियोमा फिल्मी शैलीमा देखाइएको छ ।