विराट यी अभिनेत्रीलाई क्रिकेट खेलेको हेर्न चाहन्थे !

काठमाडौँ – विराट कोहली अहिले टी–२० विश्वकप खेलिरहेका छन् । जुन अहिले अमेरिकामा भइरहेको छ । अनुष्का शर्मा पनि हाल पति विराट कोहलीसँग अमेरिकामा छिन् ।

हालै भारत र पाकिस्तानबीचको खेलमा अभिनेत्रीलाई देखाइएको थियो । यस क्रममा अभिनेत्रीले टीम इन्डियाको जितको खुसीयाली पनि मनाइन् । यसअघि उनी आईपीएलको खेलमा देखिएकी थिइन् ।

यसैबीच विराट कोहलीको एउटा पुरानो भिडियो भाइरल भइरहेको छ, जसमा उनी भिजे अनुषा डान्डेकरका प्रश्नको जवाफ दिइरहेका छन् । यो भिडियो विराट र अनुष्का गोप्य रुपमा एकअर्कालाई डेट गर्ने समयको हो । यस क्रममा क्रिकेटरले आफू कुन अभिनेत्रीलाई क्रिकेट खेलेको हेर्न चाहन्छन् भन्ने बताए ।

आजकल विराट कोहलीले श्रीमती अनुष्का शर्मासँगको तस्बिरहरू इन्स्टाग्राममा सेयर गरिरहेका छन्, तर एक समय थियो जब बलिउडकी अर्की अभिनेत्री उनलाई क्यूट लाग्थियाे, त्यो अरु कोही नभई अभिनेता रितेश देशमुखकी श्रीमती जेनेलिया डिसूजा थिइन् ।

यति मात्र होइन, उनी जेनेलियालाई क्रिकेट खेलेको हेर्न पनि चाहन्थे । यस भिडियोमा अनुशाले विराटलाई धेरै प्रश्न सोधेको देखिन्छ र अन्तिममा उनले कुनै बलिउड अभिनेत्रीलाई म्याच हेरेकाे हेर्न मन छ भनी सोधिन्, त्यसपछि क्रिकेटरले भने- जेनेलिया डिसुजा।

यो कुराकानी यति रमाइलो थियो कि अनुशाले विराटलाई आफ्नो ब्लाइन्ड डेटको बारेमा सोधेकी थिइन् । उनले सोधिन् कि उनी कहिल्यै ब्लाइन्ड डेटमा गएका थिए। यसको जवाफमा उनले भने, ‘म ब्लाइन्ड डेटमा गएको थिएँ, जुन करिब ५ मिनेटमा सकियो । केटीलाई देखेर भागेँ । किन भनेर सोध्दा उनले भने, मलाई यो भन्न मन लाग्दैन, तर उनी कुरूप थिइन्।

जेनेलिया डिसुजासँग विराटको सपना पूरा भएन, तर उनकी श्रीमती अनुष्का शर्माले यो सपना पूरा गरेकी छिन् । वास्तवमा उनी छिट्टै फिल्म ‘चकडा एक्सप्रेस’मा देखिनेछिन् । यो क्रिकेटर झुलन गोस्वामीको जीवनीमा आधारित बायोपिक हो । अनुष्का पछिल्लो पटक शाहरुख खान र कट्रिना कैफसँग फिल्म जिरोमा देखिएकी थिइन् । तर, फिल्मको रिलिज मिति भने खुलाइएको छैन ।