चन्दु च्याम्पियनले एडभान्स बुकिङको २ दिनभित्र कति गर्‍यो कलेक्सन ?

काठमाडौँ – बलिउड अभिनेता कार्तिक आर्यन सधैं आफ्नो अभिनयका लागि चर्चित छन्। कार्तिकले आफ्नो दमदार अभिनयले जनताको मन जित्दै आएका छन् र फेरि एकपटक मानिसलाई प्रभावित पार्न तयार छन् ।

कार्तिकको स्पोर्ट्स ड्रामा फिल्म चन्दु च्याम्पियन हलमा रिलिजको तयारीमा छ । फिल्मको ट्रेलर हेरेपछि यो फिल्मले बक्स अफिसमा धमाका गर्ने अनुमान गरिएको छ ।

चन्दु च्याम्पियनको एडभान्स बुकिङ खुलेको छ र अहिलेसम्म फिल्मले लाखौं कमाइसकेको छ । फिल्म रिलिज हुन ३ दिन बाँकी रहेकाले यो संख्या अझै बढ्न सक्नेछ ।

कार्तिक आर्यनको चन्दु च्याम्पियनमा रूपान्तरण हेर्न लायक छ । यो फिल्म जुन १४ मा रिलिज हुँदैछ । हालै बुर्ज खलिफाबाट चन्दु च्याम्पियनको अग्रिम बुकिङ खुलेको निर्माताहरुले जानकारी दिएका थिए ।

कार्तिक आर्यनको फिल्मबाट जनताले धेरै अपेक्षा गरेका छन् भने उद्घाटन दिनको टिकट पनि खरिद गर्न थालेका छन् । SACNL को रिपोर्ट अनुसार फिल्मको अहिलेसम्म ७ हजार १ टिकट बिक्री भइसकेको छ ।

जसका कारण फिल्मले हालसम्म २०.९५ लाखको कलेक्सन गरेको छ । अग्रिम बुकिङ खुलेको २ दिनभित्र यति धेरै टिकट बिक्री गर्नुलाई प्लस प्वाइन्ट मानिएको छ । फिल्मको बज यसरी नै रह्यो भने करोडको कलेक्सन हुन धेरै समय लाग्दैन ।

चन्दु च्याम्पियनको कुरा गर्दा कार्तिकसँगै फिल्ममा मनोज आनन्द, विजय राज, भाग्यश्री, राजपाल यादवलगायतका कलाकारको पनि महत्वपूर्ण भूमिका रहनेछ ।

फिल्मलाई कबिर खानले निर्देशन गरेका हुन् । फिल्मले धेरै रेकर्ड तोड्ने अनुमान गरिएको छ । यतिबेला कार्तिकले पनि फिल्मको प्रचारप्रसार गरिरहेका छन् । फिल्मका लागि उनले कुनै कसर बाँकी राखेका छैनन् ।