काठमाडौँ – भारतमा भर्खरै १८ औं लोकसभाको निर्वाचन सम्पन्न भएको छ । नरेन्द्र मोदीले आज तेस्रो पटक आज साँझ प्रधानमन्त्रीको सपथ लिदैछ । आज साँझ राष्ट्रपति द्रौपदी मार्मुले उनलाई र अन्य केन्द्रीय मन्त्रीहरुलाई पद तथा गोपनियताको सपथ ग्रहण गराउने छिन् ।
यसैबीच यो सपथ समारोहमा चलचित्र जगतका धेरै कलाकारहरु पनि सहभागी हुनेछन् । जसमा साउथ सुपरस्टार रजनीकान्तदेखि बलिउडका दिग्गज अभिनेता अनुपम खेरसम्मका नामहरू सामेल छन्।
सुपरस्टार रजनीकान्तले प्रधानमन्त्रीको सपथ लिन लागेका नरेन्द्र मोदीलाई बधाई दिएका छन् । उनले भने– ‘म सपथ ग्रहण समारोहमा सहभागी हुन जाँदैछु । यो निकै ऐतिहासिक कार्यक्रम हो । म प्रधानमन्त्री मोदीजीलाई लगातार तेस्रो पटक प्रधानमन्त्री बन्नु भएकोमा बधाई दिन्छु।
यस्तै बलिउडका दिग्गज अभिनेता अनुपम खेरले पनि मोदी सरकारको सपथ ग्रहण समारोहमा सहभागी हुन पाएकाेमा खुशी व्यक्त गरेका छन् । उनले भने, ‘म भाग्यमानी छु कि १५ वर्षमा तीन पटक सपथ ग्रहण समारोहमा सहभागी हुने अवसर पाएँ । यो ऐतिहासिक क्षण हो । देश स्वर्णिम कालबाट गुज्रिरहेको छ । विगत १० वर्षमा प्रधानमन्त्रीले देशलाई निकै सशक्त ढंगले चलाएका छन् र उहाँको नेतृत्वमा बनेको एनडीए सरकारले पनि देशलाई अगाडि बढाउने विश्वास लिएको छु ।
यस्तै भाजपा नेता तथा भोजपुरी सुपरस्टार दिनेश लाल यादव उर्फ निरहुआले पनि नरेन्द्र मोदी तेस्रो पटक प्रधानमन्त्री बनेकोमा खुशी व्यक्त गरेका छन् । उनले भने, ‘मलाई लाग्छ आज विश्वभरका जनता खुसी छन् कि प्रधानमन्त्री मनोनित नरेन्द्र मोदीले तेस्रो पटक प्रधानमन्त्रीको सपथ लिनेछन् । ठुलो लक्ष्य लिएर अगाडी बढ्दा मात्र सफलता मिल्छ, पक्कै पनि ठुलो लक्ष्य लिएर अगाडि बढेकाले नै यो सफलता पायो ।
यस्तै अनिल कपूरले नरेन्द्र मोदीलाई बधाई दिदै भने- ‘म मात्र चाहन्छु कि देशको प्रगति होस् र प्रगति गरिरहोस्।’ अर्का अभिनेता अजय देवगनले इन्स्टाग्राममा कार्यवाहक प्रधानमन्त्री नरेन्द्र मोदीलाई बधाई दिएका छन् । उनले लेखेका छन्, ‘प्रधानमन्त्री नरेन्द्र मोदीलाई पुनः निर्वाचित भएकोमा बधाई । म उहाँको ज्ञान र करुणाले भारतलाई प्रगति र महानताको बाटोमा लैजान निरन्तर सफलताको कामना गर्दछु।’
यो खबर पढेर तपाईलाई कस्तो महसुस भयो ?
प्रतिक्रिया