काठमाडौँ – मीनबहादुर भाम निर्देशित ‘शाम्बाला’ को नेपाल प्रिमियरमा प्रसिद्ध भारतीय अभिनेता नवाजुद्दिन सिद्दिकी सहभागी हुने भएका छन् ।
बर्लिन फिल्म फेस्टिभलमा इतिहास रचेको यो फिल्मलाई सेप्टेम्बर मध्यतिर नेपालमा रिलिज गर्ने तयारी छ ।
नेपाल रिलिजपछि फिल्मलाई अन्तर्राष्ट्रिय बजारमा रिलिज गर्ने तयारीमा निर्देशक भाम छन् । बर्लिन फेस्टिभलमै यो फिल्मको प्रशंसा गरेका सिद्दिकीले निर्देशक भामसँग फिल्म गर्ने चाहना पनि गरिसकेका छन् ।
सम्भवतः यो चाहना पूरा हुनेतर्फ उन्मुख देखिन्छ । भामका अनुसार सिद्दिकीको नेपाल आगमन दुई कारणले हुन लागेको हो ।
‘शाम्बाला’ प्रिमियरबाहेक उनी भामसँगको नयाँ फिल्मको स्क्रिप्टबारे छलफल गर्न नेपाल आउन लागेका हुन् । ‘शाम्बाला’लाई नेपालमा एप्पल इन्टरटेनमेन्टले रिलिज गर्दै छ ।
यो खबर पढेर तपाईलाई कस्तो महसुस भयो ?
प्रतिक्रिया