काठमाडौँ– वरिष्ठ गीतकार तथा नेपाल प्रहरीका प्रहरी अतिरिक्त महानिरीक्षक टेक बहादुर तामाङको शब्दमा गीत ‘आफ्नै धड्कन’ म्युजिक भिडियोसहित सार्वजनिक भएको छ ।
शनिवार राजधानीमा पत्रकार सम्मलेन गरी सार्वजनिक गरिएको गीतमा स्वरुपराज आचार्यको स्वर तथा पावल चाम्लिङ राईको सङ्गीत रहेको छ । सङ्गीत संयोजन भने चाँद सिंहले गरेका छन् ।
म्युजिक भिडियोको निर्देशन भने रिकेश खड्काले गरेका हुन् । भिडियोको सम्पादनमा विकास धमला र छायाङ्कन उत्तम हुमागाईंले गरेका छन् । भिडियोमा केकी अधिकारी, आश्मान तामाङ र सनम कठायतको अभिनय देख्न सकिन्छ ।
गीतकार तामाङका ‘जीवनसाथी’, ‘आमा’ एल्बमहरु लगायत ‘मिठामिठा बोली बोल्दै’, ‘तिमी सागर’, ‘स्वर्ग सुख’ लगायत दर्जनाैं गीतहरु सार्वजनिक भएका छन् ।
उनका गीतहरुमा रामकृष्ण ढकालदेखि, राजेशपायल राई, शिव परियार, अन्जु पन्त, मेलिना राई लगायतका सङ्गीत सर्जकहरुले स्वर दिएका छन् । उनी नेपाल प्रहरीको सेवासँगै विगत तीन दशकभन्दा लामो समयदेखि साहित्य तथा गीत सिर्जनामा सक्रिय छन् ।
भिडियो :
यो खबर पढेर तपाईलाई कस्तो महसुस भयो ?
प्रतिक्रिया