सनी देओलमाथि ठगीको आरोप, निर्माताले दिए अभिनेताविरुद्ध उजुरी

काठमाडाैँ – बलिउड अभिनेता सन्नी देओलमाथि ठगीको आरोप लागेकाे छ । बलिउड निर्माता सौरभ गुप्ताले अभिनेता विरुद्ध ठगी, जबरजस्ती असुली र जालसाजीको चकित पार्ने आरोप लगाएका छन् । यति मात्र होइन, उनले आफूले गरेको प्रतिबद्धता पूरा नगरेको आरोप पनि लगाएका छन् ।

सन्डाउन इन्टरटेनमेन्ट प्रालिका सौरभ गुप्ताले सन् २०१६ मा आफ्नो फिल्ममा मुख्य भूमिकाका लागि सन्नी देओलसँग ४ करोडको सम्झौता गरेको दाबी गरेका छन् । अब करोडौं रुपैयाँको यो सम्झौतामा परिवर्तनको बारेमा नयाँ अपडेट आएको छ।

निर्माता सौरभ गुप्ताले सन् २०१६ मा सन्नी देओलले आफ्नो एउटा फिल्म साइन गरेको र यसका लागि अभिनेताले उनीसँग ४ करोड रुपैयाँ लिएको बताए । ठगी, फिरौती र किर्तेजस्ता आरोप लगाउँदै सौरभले सन्नी देओललाई १ करोड अग्रिम दिएका थिए भने २.५५ करोड अझै अभिनेतासँग रहेको खुलासा गरेका छन्, तर पनि सन्नी देओलले फिल्मको सुटिङ सुरु गरेनन् ।

सौरभ गुप्ताले भने कि सन् २०२३ मा सन्नी देओलले आफ्नो कम्पनीसँग नक्कली सम्झौता गरेका थिए । फिल्म निर्माताले आरोप लगाए, ‘सम्झौता पढ्दा सन्नीले बीचको पाना फेरेर पारिश्रमिक ४ करोडबाट बढाएर ८ करोड पुर्याएका थिए । यति मात्र होइन, नाफा पनि २ करोड रुपैयाँमा झरेको छ । सन्नी देओलले अचानक सम्झौता पत्रमा फेरबदल गरी ४ बाट ८ करोड रुपैयाँ शुल्क बढाएर किर्ते गरेको आरोपमा निर्माताले प्रहरीमा उजुरी दिएका छन् ।

सौरभ गुप्तापछि फिल्म निर्माता सुनील दर्शनले पनि सनी देओलमाथि आरोप लगाएका छन् । उनले ‘गदर २’का कलाकारले आफ्नो फिल्म ‘अजय’को राइट्स विदेशमा वितरणका लागि मागेको र आधा रकम मात्र दिएको बताए । यो खबर बाहिरिएसँगै सामाजिक सञ्जालमा हंगामा मच्चिएको छ । यी दुई विषयमा अभिनेता सनी देओलले अहिलेसम्म कुनै आधिकारिक बयान दिएका छैनन् ।