काठमाडौँ– पूर्वप्रधानन्यायाधीश कल्याण श्रेष्ठको ‘नबुझिएको जीन्दगी’ नामक गीति एल्बम शुक्रबार एक कार्यक्रमका बीच लोकार्पण गरिएको छ .
ललितपुरको कुपण्डोलमा शुक्रबार साँझ आयोजित एक कार्यक्रममा प्रमुख अथिति वरिष्ठ संगीतकार प्रा. दीपक जंगमले सो एल्बम सार्वजनिक गरेका हुन् । सार्वजनिक गरिएकाे एल्मबमा जीन्दगी, तिमीसँग, एक झलक, कहिले आँखाले र मेरो भगवान बोलका गीत रहेका छन् ।
‘नबुझिएको जीन्दगी’ नामक गीति एल्बमका गीतहरुमा गायक बिनोद राई, राज सिग्देल, रवि ओड, रुपक चौधरी र संगीता शाक्य थापाको स्वर रहेको छ । त्यस्तै, महेश खड्का, सुनील मास्के, सुदेश शर्माको संगीत रहेको छ ।
कार्यक्रमको अध्यक्षता गीतकार संघ नेपालका पूर्व अध्यक्ष चुडामणि देवकोटा गरेका थिए । कार्यक्रममा न्याय र राजनीति क्षेत्रका विशष्ट व्यक्तिहरुको बाक्लो उपस्थिति थियो ।
लोकार्पण समारोहमा गायक आनन्द कार्कीले सांगीतिक प्रस्तुति समेत दिएका थिए । पूर्वप्रधानन्यायाधीश कल्याण श्रेष्ठको यो दोस्रो एल्बम हो । यसअघि उनले ‘जिन्दगी तरेली’ नामक गीती एल्बम बजारमा ल्याएका थिए ।
यो खबर पढेर तपाईलाई कस्तो महसुस भयो ?
प्रतिक्रिया