लोकसेवा आयोगको वेबसाइटमा समस्या देखिँदा परीक्षार्थीलाई सास्ती

काठमाडौँ – लोकसेवा आयोगको वेबसाइटबाट एडमिट कार्ड निकाल्न नमिलेपछि परीक्षार्थीहरू सास्तीमा परेका छन् । 

आज दिउसो १ बजेदेखि कृषि समूह पाचौं संघको परीक्षा रहे पनि एडमिट कार्ड झिक्न नमिल्दा विद्यार्थीहरू अन्योलमा परेका हुन् । आयोगको कार्यालयमा गुनासो गर्दा पनि समस्या समाधानतर्फ कुनै पहल नभएको विद्यार्थीहरूको आरोप छ । 

यता आयोगले भने वेबसाइटमा समस्या देखिए समाधानको पहल गर्ने बताएको छ । परीक्षार्थीले पहिल्यै एडमिट कार्ड नलिँदा समस्या भएको बताएको आयोगले यस्ता समस्या वेला वेला हुने गरेको भने स्वीकार गरेको छ ।