काठमाडौँ– अभिनेत्री तथा निर्मात्री पुजा शर्माले पहिलो पटक पल शाहसँगको तस्बिर सार्वजनिक गरेकी छिन् । फिल्म ‘रावायण’ लाई लिएर अभिनेत्री पुजाले पलसँगको फोटो सार्वजनिक गरेकी हुन् ।
सुदर्शन थापाको निर्देशनमा रहेको सो फिल्मको केही साता अघिदेखि सर्लाहीमा सुटिङ भइरहेको छ । सो फिल्म बन्ने भएपछि अभिनेता पल शाहको मात्रै तस्बिर सार्वजनिक भएको थियो ।
पुजाले पलसँगको तस्बिर सार्वजनिक गरेसँगै दुईबीचको सम्बन्ध राम्रो भएको जानकारीसमेत दिएकी छिन् । फिल्मको रिलिज भदौ २१ गते तीजलाई लक्षित गरी हुने जनाइएको छ ।
सर्लाहीमा सुटिङसँगै हेटौँडामा जाने निर्माण पक्षले जनाएको छ । फिल्ममा पुजा र पल शाहसहित, प्रियंका कार्की, प्रमोद अग्रहरी, निकिता चण्डक, प्रकाश शाह, कैलाश रावल, अर्जुन जगं शाही, शर्मीला मल्ल, प्रदीप ढकाल लगायत कलाकारको अभिनय रहनेछ।
यो खबर पढेर तपाईलाई कस्तो महसुस भयो ?
प्रतिक्रिया