नयाँ वर्षको पहिलो कारोबार दिन सुनको मूल्यमा गिरावट,कतिमा हुँदै छ कारोबार ?

काठमाडौँ – नयाँ वर्ष २०८१ सालको पहिलो कारोबार दिन आज नेपाली बजारमा सुनको मूल्यमा गिरावट आएको छ ।

आज सुनको मूल्य तोलामा २२ सय रुपैयाँले घटेर १ लाख ३६ हजार ८०० रुपैयाँ कायम भएको नेपाल सुनचाँदी व्यवसायी महासङ्घले जनाएको हो । 

यस्तै, आज तेजाबी सुनको भाउ तोलाको १ लाख ३६ हजार १५० रुपैयाँ निर्धारण भएको छ । 

यसअघि २०८० सालको अन्तिम दिन अर्थात् चैत ३० गते शुक्रबार सुनको भाउ हालसम्मकै उच्च मूल्यमा पुगेको थियो ।

सो दिन छापावाल सुन प्रतितोला १ लाख ३९ हजार रुपैयाँ र तेजाबी सुन १ लाख ३८ हजार ३५० रुपैयाँमा किनबेच भएको थियो ।

आज चाँदीको भाउ पनि प्रतितोला ५० रुपैयाँले घटेर १७ सय रुपैयाँ कायम भएको छ । यसअघि शुक्रबार आइतबार चाँदी प्रतितोला १७ सय ५० रुपैयाँमा कारोबार भएको थियो ।