गर्मी मौसममा कस्तो कपडा लगाउने ? 

जाडो मौसम सकिएर गर्मी मौसम शुरु भएको छ । मौसम परिवर्तन भएसँगै पहिरनमा पनि परिवर्तन स्वाभाविक र आवश्यक हुन्छ । गर्मी मौसम शुरु भएसँगै बाक्ला कपडाको सट्टा पातला र शीतलता प्रदान गर्ने खालको कपडाको प्रयोग हुन्छ ।

युवा चाहन्छन् कि गर्मीमा यस्तो पहिरन होस् जसले शीतलताका साथसाथै अरूलाई पनि आकर्षण गरोस् । सबै चाहन्छन् कि पहिरन वा कपडा एकदम यूनिक होस् । जो आकर्षक पनि देखियोस् र स्टाइलिस पनि होस् ।

गर्मी मौसममा कपडाको प्रयोग गर्दा विभिन्न कुरामा ध्यान दिन जरुरी छ । पहिलो त पातलो खालको कपडा र त्यसको रङ्गमा ध्यान दिन जरुरी छ । गर्मी मा हल्का रङ्गको प्रयोग गर्नु उपयुक्त हुन्छ जसले आँखालाई पनि शीतलता प्रदान गरोस् । कटन मिसिएको सिल्क, शिफोन, लिनन, जाँरजट र हेन्डलुम तथा खादीबाट बनेको लुगा लगाउनुहोस् जसले पसिनालाई सोसोस् ।

गर्मीबाट बच्नका लागि अधिकांश युवतीहरूले स्लीवलेस ड्रेस लगाउन मन पराउँछन् तर यसले गर्मीमा हात र छाला डढ्न सक्छ । दिउँसो यस्तो लुगा लगाउनुहोस् जो कटन तथा फुल स्लव्ज होस् । रात र बिहानको समयमा स्लीवलेस लगाउँदा राम्रो हुन्छ ।

नलगाउनुस् यस्तो कुरा

कटन, शिफोनको कपडा फर्मल लुक्सका लागि लगाउँदा राम्रो देखिन्छ । यस मौसममा लिनन तथा जारजटको लामो स्कर्ट लगाउनुहोस् । कटन हेडलुम तथा खाडी चिसो बनाउने खालको र पसिना सोस्ने वाला फेब्रिक हो जसलाई लगाउँदा तपाई निकै गर्मीमा पनि सहज महसूस गर्नुहुन्छ । अधवैशे महिलाले कुर्ता सुरुवाल लगाउँदा राम्रो हुन्छ । खादीको कुर्ता स्टाइलसहित लगाउनुहोस् ।

सिल्क, साटन, सेन्थेटिक, कोलेस्टर मिक्स, नायलन, वेलवेट कपडाबाट इन्फेक्सन हुन सक्छ । धेरै फेब्रिक भएको कपडा नलगाउनुहोस् जसलाई सम्हाल्न समस्या पर्न सक्छ ।

जे सहज हुन्छ त्यो लगाउनुहोस्

गर्मीमा फेशन कूल हुन आवश्यक छ । धेरै चम्किलो कलर नलगाउनुहोस् । लिनन तथा कटनको कपडाको प्रयोग गर्नुहोस् । कटनको प्रिन्ट, कुशन, साधारण क्रोशियावाला डिजाइनको फेब्रिक यो मौसमका लागि राम्रो हुन्छ । युवाहरूले आफ्नो सहजताका हिसाबमा कटन पेन्ट र कमिज लगाउँदा राम्रो देखिन्छ ।

गर्मी मौसममा धेरै फिटिङको सट्टा हल्का र खुकुलो खालको कपडा लगाउनुहोस् । टाइट कपडा लगाउँदा फिगर राम्रो देखिए पनि पसिना आउने भएका कारण कपडा बिग्रन सक्छ ।