सुनको भाउले राख्यो नयाँ कीर्तिमान, कतिमा भइरहेको छ कारोबार ?

काठमाडौं- नेपाली बजारमा लगातार सुनको मूल्यले नयाँ कीर्तिमान बनाइरहेको छ । नेपाल सुनचाँदी व्यवसायी महासङ्घका अनुसार आज सुन तोलामा १ हजार रुपैयाँले बढेको हो ।

महासङ्घका अनुसार आज छापावाल सुन प्रतितोला १ लाख ३४ हजार र तेजाबी सुन १ लाख ३३ हजार ३५० रुपैयाँमा कारोबार भइरहेको छ । जुन हालसम्मकै उच्च हो ।

बुधबार छापावाल सुन प्रतितोला १ लाख ३३ हजार र तेजाबी सुन १ लाख ३२ हजार ३५० रुपैयाँमा कारोबार भएको थियो ।

आज चाँदीको मूल्य पनि बढेको छ । आज चाँदी तोलामा ४० रुपैयाँले बढेर तोलाको १ हजार ६५० रुपैयाँमा कारोबार भइरहेको महासङ्घले जनाएको छ ।

बुधबार चाँदी प्रतितोला १ हजार ६१० रुपैयाँमा कारोबार भएको थियो ।