काठमाडौँ – प्रतीक्षित नेपाली फिल्म ‘द रेड सुटकेस’ को ट्रेलर सार्वजनिक गरिएको छ।
सौगात मल्ल, विपिन कार्की र सृष्टि श्रेष्ठ अभिनीत फिल्मको ट्रेलर मंगलबार काठमाडौँमा एक कार्यक्रमकाबीच सार्वजनिक गरिएको हो।
विभिन्न अन्तर्राष्ट्रिय महोत्सवमा अवार्ड जितेको यो फिल्मको सार्वजनिक ट्रेलरमा काठमाडौँबाट बेयुलसम्म एक व्यक्तिले सुटकेस ल्याएको परिवेशलाई देखाइएको छ।
फिल्ममा सौगात मल्ल, प्रविन खतिवडा, विपिन कार्की, सृष्टि श्रेष्ठको मुख्य भूमिका छ भने जर्मनीबाट चलचित्रमा विधावारिधी गरेका फिडेल देवकोटाको यो डेब्यु फिचर चलचित्र निर्देशन हो ।
यसमा लेखन पनि देवकोटा कै छ भने सुशन प्रजापतिको छायांकन र समन अलभितिगाको सम्पादन छ ।
फिल्मलाई आइसफल प्रोडक्सनका लागि रामकृष्ण पोखरेल र शोभा थापाले निर्माण गरेका हुन्। फिल्मको सहनिर्माणमा श्रीलंकाका निर्माता विमुक्ति जयसुन्दरा रहेका छन्।
‘द रेड सुटकेस’ नयाँ वर्ष २०८१ को अवसरमा पारेर यही ३० चैतमा रिलिज हुँदैछ ।
यो खबर पढेर तपाईलाई कस्तो महसुस भयो ?
प्रतिक्रिया