बिहानको खाजा खाने बानी सबैको हुँदैन । धेरैजसोले एकैपटक खाना खाने गर्छन् । तर बिहानको खाजा अर्थात् ब्रेकफास्ट गर्नुपर्ने चिकित्सकहरू बताउनुहुन्छ ।
अझ बिहानको खाजा स्वादिष्ट र पोसिलो हुनुपर्छ । स्वास्थ्य विज्ञहरूका अनुसार बिहानको खाजा स्वास्थ्यका लागि सबैभन्दा महत्त्वपूर्ण छ ।
पोसिलो खाजाले दिनभरको लागि पर्याप्त ऊर्जा त दिन्छ नै मेटामोलिजम पनि बढाउँछ । यसले ब्लड सुगर र मोटोपना नियन्त्रण गर्न मद्दत गर्छ । साथै स्वास्थ्य र संज्ञानात्मक कार्यमा सुधार्छ । त्यसैले सबैले दैनिक रूपमा बिहानको खाजा खानुपर्छ ।
बिहानको खाजा नखाँदा धेरै स्वास्थ्य समस्या निम्तिन्छ । यसले तनाव, थकान, मोटोपना र मधुमेहको जोखिम पनि बढाउन सक्छ । बिहानको खाजा छाड्दा भोक लाग्ने हर्मोनहरू अलमलमा पर्छन् । जसका कारण दिनभरि के खाऊँ के खाऊँ भएर धेरै खाइन्छ ।
त्यसैले आहारविद् र पोषण विज्ञहरू सधैँ सही समयमा नास्ता गर्न सल्लाह दिन्छन् । हरेक व्यक्तिले बिहान उठेको २ घण्टाभित्रै खाजा खाइसक्नु पर्छ । उठेपछि जति चाँडो बिहानको खाजा खाइयो त्यति नै मेटाबोलिज्मको लागि राम्रो हो ।
सजिलो भाषामा भन्ने हो भने तपाई बिहान ५ बजे उठ्नु हुन्छ भने बिहान ७ बजेभित्र खाजा नास्ता खानुपर्छ । यदि तपाईँ ७ बजे उठ्नुहुन्छ भने, तपाईँले ९ बजेसम्म नास्ता गरिसक्नु पर्छ ।
बिहान सधैँ जिम जानुहुन्छ भने, तपाईँको कसरत गर्नु भन्दा २०–३० मिनेट पहिले केरा वा एभोकाडो टोस्ट जस्ता हल्का खानेकुरा खानु राम्रो हुन्छ ।
आफ्नो शरीरले केही नखाई वा नपिई राम्रोसँग कसरत गर्न सक्छ भन्ने लाग्छ भने वर्क आउट गरिसकेर खाजा नास्ता खान सकिन्छ । बिहान छिट्टै अफिस जानु छ वा जानु हुन्छ भने पनि सही समयमा ब्रेकफास्ट गर्ने प्रयास गर्नुहोस् ।
यो खबर पढेर तपाईलाई कस्तो महसुस भयो ?
प्रतिक्रिया