काठमाडाैँ- गीतकार डा.हेमन्त खतिवडाको हिन्दी गीतिसङ्ग्रह ‘कैसा मन मस्ताना प्यारे’ प्रकाशित भएको छ । यसमा विशेष गरेर प्रेमको रोमान्टिक विषयलाई समेटिएकाे छ ।
कृतिमा दुई शय वटा हिन्दी गीतहरु रहेका छन् । गीतहरु प्रेम गीतको प्रचलित परम्परा भन्दा फरक किसिमले लेखिएकाे गीतकार खतिवडाले बताए ।
गीतकार खतिवडा भन्छन् ‘प्रेम भनेको सतही विषय नभई, यसको आफ्नै दर्शन छ र प्रेम गीतलाई पनि म दर्शन सँग जोडेर हेर्छु र लेख्न रुचाउँछु ।’ ओम प्रकाशन दिल्ली ले प्रकाशन गरेको यस कृति भारतीय पाठकहरुबिच समेत लोकप्रिय हुने अपेक्षा गरिएको छ ।
गीतको बनोट र प्रस्तुतिका जुन तरिका छन् ती कलात्मक र बिम्वात्मक छन् । सरल शब्द र गम्भीर भावका उनका गीतहरुमा प्रेमको मनोविज्ञान अनौठो तबरले घुलित भएका छन् । खतिवडाका यसअघि थुप्रै गीत बजारमा सार्वजनिक छन् ।
यो खबर पढेर तपाईलाई कस्तो महसुस भयो ?
प्रतिक्रिया