अभिनेत्री ऋचा फिल्म ‘मेयर’ मा देखिँदै

काठमाडौँ – अभिनेत्री ऋचा शर्मा फिल्म ‘मेयर’मा देखिने भएकी छिन् । निर्देशक दीपेन्द्र के खनालका अनुसार मंगलवारदेखि उनी फिल्मसँग आबद्ध भएकी हुन् ।

फिल्ममा उनको भूमिका के हुनेछ भन्ने कुरा फिल्मी युनिटले खुलाइएको छैन ।  ‘मेयर’को मुख्य भूमिकामा खगेन्द्र लामिछाने र अभिनेत्रीमा वर्षा राउत छन् ।

शर्मिला पाण्डे निर्माता रहेको फिल्ममा हरिहर शर्मा, अनुप बराल, प्रकाश घिमिरे, रमेश बुढाथोकी, रवीन्द्र झा, दिव्यदेव, आशान्त शर्मा, सञ्जोग रसाइली लगायतको पनि अभिनय रहने छ ।

फिल्म एक सातादेखि सर्लाहीको बागमतीमा छायांकन भइरहेको छ । फिल्म सर्लाहीस्थित बागमती नगरपालिकाका मेयर भरत कुमार थापाको जीवन संघर्षमा आधारित रहेर निर्माण हुन लागेको बताइएकाे छ ।