काठमाडाैँ – भारतीय अभिनेता नास्सर आज आफ्नो ६६ औँ जन्मदिन मनाउँदै छन् ।
फिल्म बाहुबलीको बिज्जलदेव चरित्रबाट परिचित उनी सन् १९५८ को मार्च ५ मा जन्मिएका थिए । तत्कालीन मद्रासको चेङगलपट्टीमा उनको जन्म भएको थियो । जो हाल तमिलनाडुमा अवस्थित छ ।
उनी अभिनेता मात्रै नभएर दक्षिण भारतीय चलचित्रका निर्देशक र गायक समेत हुन् । आफ्नो फिल्मी करियरमा कयौँ सफल फिल्म दिएर आफ्नो छुट्टै परिचय बनाएका उनी बाहुबलीबाट अझ चर्चाको शिखरमा पुगे ।
यद्यपि उनले २ सय भन्दा बढी फिल्ममा काम गरिसकेका छन् । पुरा नाम एम नास्सर रहेका उनले सन् १९८५ मा तमिल फिल्म कल्याण अगाथिगलबाट फिल्म उद्योगमा हात हालेका हुन् ।
साना साना भूमिका लगातार जसो पाएपनि जीवन चलाउन पर्याप्त नभएपछि उनले कहिले सेक्युरिटी गार्ड कहिले वेटरका रूपमा समेत काम गरेका थिए ।
यो खबर पढेर तपाईलाई कस्तो महसुस भयो ?
प्रतिक्रिया