काठमाडौँ – काठमाडौँसहित देशका धेरै स्थानमा अहिले वर्षा भइरहेको छ । हल्का वर्षा भएको मौसम पूर्वानुमान महाशाखाले जानकारी गराएको छ ।
काठमाडौँमा आइतबार बेलुकासम्म वर्षा हुने सम्भावना रहेको महाशाखाले जनाएको छ । महाशाखाका अनुसार बर्षा निरन्तर नभएर केही बेर रोकिने, फेरि पर्नेछ । आज बिहान पनि हल्का बर्षा भएर रोकिएको थियो ।
काठमाडौँमा अहिले मेघगर्जनसहित हल्का वर्षा भएको महाशाखाले बुलेटिन मार्फत जनाएको छ । काठमाडौँमा आइतबार बेलुकादेखि पानी पर्न कम भएपनि बादल भने लाग्ने छ । देशका उच्च पहाडी तथा हिमाली भू–भागमा अहिले हिमपात समेत भइरहेको महाशाखाले जनाएको छ ।
महाशाखाका अनुसार, पश्चिमी वायुको प्रभावका कारण बदली, वर्षा र हिमपात भएको हो । देशभरको मौसममा सोमबारदेखि क्रमिक रूपमा सुधार हुने महाशाखाले जनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया