आगामी वैशाखमा रामेछापमा नेपाल ग्रामीण चलचित्र महोत्सवको तेस्रो संस्करण हुने

काठमाडौं – आगामी वैशाखमा नेपाल ग्रामीण चलचित्र महोत्सवको तेस्रो संस्करण रामेछाप नगरपालिकामा आयोजना हुने भएको छ। महोत्सवमा गाउँले परिवेशमा निर्माण गरिएका स्वदेशी छोटा चलचित्र, डकुमेन्ट्री, फिचर चलचित्र र भाषाभाषीका चलचित्र सहभागी हुनेछन्।

महोत्सवमा सहभागीता जनाउन चाहनेहरूको लागि दर्ता पनि खुला गरिएको छ । महोत्सव अध्यक्ष रघुनाथ सापकोटाका अनुसार सेलिब्रेटी नेपालको आयोजनामा हुने महोत्सवमा जुरी टिमले छनोट गरेका चलचित्र अत्याधुनिक प्रविधिमा स्क्रिनिङ गर्ने र उत्कृष्ट चलचित्रलाई अवार्ड प्रदान गरिने छ।

महोत्सव पहिलो वर्ष गोरखा जिल्लाको लाप्राकमा र दोस्रो वर्ष काभ्रे जिल्लाको भकुन्डेबेसीमा सम्पन्न भएको थियो। तेस्रो संस्करणको जागरूक युवा क्लब रामेछापले स्थानीय व्यवस्थापन गर्नेछ भने कार्यक्रम संयोजक फिल्म निर्देशक कमल एक्चै मगर रहेका छन्।