आज सुनको मूल्य स्थिर, कतिमा भइरहेको छ कारोबार ?

काठमाडौँ– आज नेपाली बजारमा पहेँलो धातुको मूल्य स्थिर रहेको छ ।

नेपाल सुनचाँदी व्यवसायी महासङ्घका अनुसार बिहीबार छापावाला सुन प्रतितोला १ लाख १६ हजार ५०० रुपैयाँ र तेजाबी सुन १ लाख १५ हजार ९५० रुपैयाँमा कारोबार भइरहेको छ ।

महासङ्घका अनुसार बुधबार पनि सोही मूल्यमा कारोबार भएको थियो ।

त्यसै गरी, आज चाँदीको मूल्य भने बढेको छ । आज चाँदी तोलामा १०  रुपैयाँले बढेर तोलाको १३७५ रुपैयाँमा कारोबार भइरहेको महासङ्घले जनाएको छ ।

 चाँदी बुधबार १३६५ रुपैयाँमा कारोबार भएको थियो ।