काठमाडौँ। आज २०८३ साल जेठ ३ गते आइतबार। जेठ शुक्ल पक्षको प्रतिपदा तिथि। तदनुसार सन् २०२६ मे १७ तारिख। गोसाइकुण्ड स्नान आरम्भ,अधिकमास आरम्भ,मत्स्यनारायण मेला शुरू,विश्व दूरसञ्चार दिवस र विश्व उच्च रक्तचाप दिवस आजै परेका छन्। नक्षत्र अनुसार १२ वटा राशि हुन्छन्। चन्द्रमा अनुसार राशि र नक्षत्रका पद अनुसार नाम राखिन्छ।
मेष: आज रोकिएका अधुरा कामहरू सुल्झाउने अवसर मिल्नेछ। साथीभाइको सहयोगले उत्साह बढ्नेछ। व्यापारमा सामान्य लाभ भए पनि बेलुकीपख खर्चमा वृद्धि हुन सक्छ। स्वास्थ्यप्रति सचेत रहनुहोला।
वृष: मन प्रसन्न रहनेछ र पारिवारिक सुख मिल्नेछ। नयाँ कामको प्रस्ताव आउन सक्छ। विद्यार्थी वर्गका लागि अध्ययनमा रुचि बढ्ने समय छ। आर्थिक पक्ष मजबुत हुनाले वैदेशिक क्षेत्रको लगानी फलदायी देखिन्छ।
मिथुन: आजको दिन केही चुनौतीपूर्ण हुन सक्छ। अनावश्यक खर्च र यात्राले थकान महसुस गराउनेछ। गोपनीयतामा ध्यान दिनुहोला, नजिकका व्यक्तिबाट धोका हुन सक्छ। बोलीमा संयम राख्नु उचित हुनेछ।
कर्कट: आयआर्जनका नयाँ स्रोतहरू फेला पर्नेछन्। दाजुभाइ वा इष्टमित्रबाट सहयोग मिल्नाले ठुलो काम बन्नेछ। सवारी साधन वा भौतिक सुख सुविधाका वस्तुहरू खरिद गर्ने योग देखिन्छ।
सिंह: तपाईंको कार्यक्षमताको प्रशंसा हुनेछ। प्रशासनिक वा सरकारी काममा सफलता मिल्नेछ। नयाँ पदको जिम्मेवारी प्राप्त हुन सक्छ। सामाजिक मान(प्रतिष्ठामा वृद्धि हुने दिन छ।
कन्या: भाग्यले साथ दिनेछ। रोकिएका धार्मिक वा मांगलिक कार्यहरू सम्पन्न हुनेछन्। वैदेशिक यात्राको प्रयास गर्दै हुनुहुन्छ भने आजको दिन सकारात्मक रहनेछ। गुरुजनको आशीर्वादले नयाँ मार्ग प्रशस्त हुनेछ।
तुला: स्वास्थ्यमा केही समस्या देखिन सक्छ, खानपानमा ध्यान दिनुहोला। सोचेको काम समयमा नबन्दा मन खिन्न हुन सक्छ। जोखिमपूर्ण लगानीबाट टाढै रहनुहोला। गोपनीयता कायम राख्दा फाइदा हुनेछ।
वृश्चिक: दाम्पत्य जीवन सुखमय रहनेछ। व्यापार व्यवसायमा साझेदारहरूबाट राम्रो सहयोग मिल्नेछ। रमाइलो यात्राको अवसर जुट्नेछ। प्रेम सम्बन्ध अझ प्रगाढ बन्ने समय छ।
धनु: प्रतिस्पर्धामा विजयी भइनेछ। शत्रुहरू परास्त हुनेछन् र पुराना ऋणहरू चुक्ता गर्ने अवसर मिल्नेछ। मामाघरको पक्षबाट शुभ समाचार प्राप्त हुन सक्छ। स्वास्थ्यमा सुधार आउनेछ।
मकर: सिर्जनात्मक क्षमतामा वृद्धि हुनेछ। सन्तानको प्रगतिले मन हर्षित हुनेछ। बौद्धिक चर्चामा सहभागी भइनेछ। शेयर बजार वा सट्टा व्यापारबाट सोचेभन्दा राम्रो लाभ हुन सक्छ।
कुम्भ: घरायसी मामिलामा केही विवाद उत्पन्न हुन सक्छ। आमाको स्वास्थ्यलाई लिएर चिन्ता बढ्न सक्छ। काममा ढिलासुस्ती हुनाले मानसिक तनाव रहनेछ। धैर्यतापूर्वक काम गर्ने समय हो।
मीन: आँटेका कामहरू साहसका साथ पूरा गर्नुहुनेछ। सञ्चार र प्रविधिको क्षेत्रमा लागेकाहरूका लागि आजको दिन विशेष लाभदायी रहनेछ। छोटो दूरीको यात्रा फलदायी हुनेछ।
राशिफलले जे जस्तो भनेपनि तपाइँहरुको आजको दिन मङ्गलमय र शुभ बनोस् ।
यो खबर पढेर तपाईलाई कस्तो महसुस भयो ?
प्रतिक्रिया