महिलाहरूमा क्याल्सियमको कमी बढ्दै

काठमाडौँ – महिलाहरूमा क्याल्सियमको कमी एक ठूलो स्वास्थ्य चुनौती बनेको छ। क्याल्सियम हड्डी र दाँत बलियो बनाउने मात्र नभई मुटुको धड्कन, स्नायु प्रणालीको कार्य र मांसपेशीको बलका लागि पनि अत्यावश्यक खनिज हो।

विशेषज्ञका अनुसार, महिलाहरूमा क्याल्सियमको कमी समयमै पूरा नगरे हड्डी कमजोर हुने, ओस्टियोपोरोसिस र निरन्तर थकानजस्ता समस्या देखा पर्न सक्छ। विशेष गरी हार्मोनल परिवर्तन, गर्भावस्था, स्तनपान र रजोनिवृत्तिपछि महिलाहरूमा क्याल्सियमको कमी बढी देखिन्छ।

क्याल्सियमको कमी हुने मुख्य कारणमा हार्मोनल परिवर्तन, अनियमित आहार, शारीरिक गतिविधिको कमी र अत्यधिक क्याफिन/जंक फूड समावेश छन्। यसले हड्डी र जोर्नीको दुखाइ, दाँत कमजोर हुनु, मांसपेशीमा तनाव, थकान र भंगुर नङजस्ता लक्षण उत्पन्न गर्छ।

विशेषज्ञहरूले दुग्धजन्य पदार्थ, हरियो पातदार तरकारी, सुक्खा फलफूल र बीउ, समुद्री खाना र आवश्यक परेमा क्याल्सियम तथा भिटामिन डीका पूरक लिन सुझाव दिएका छन्। साथै, हरेक दिन घाममा १५ मिनेट बस्नु, नियमित व्यायाम गर्नु र जंक फूड तथा अत्यधिक नुनबाट टाढा रहनु आवश्यक ठहरिएको छ।

यसैबीच, स्वास्थ्य विज्ञहरूले पनि क्याल्सियम सेवन र नियमित शारीरिक गतिविधिलाई दैनिक जीवनको अभिन्न हिस्सा बनाउने आह्वान गरेका छन्।