काठमाडौँ – नेपाली महिला फुटबल टोलीले अन्तर्राष्ट्रिय मञ्चमा नयाँ कीर्तिमान स्थापित गर्दै फिफा वरीयतामा हालसम्मकै उच्च स्थानमा पुग्न सफल भएको छ। विश्व फुटबलको सर्वोच्च संस्था फिफाले सार्वजनिक गरेको नयाँ र्याङ्किङअनुसार नेपाल १३ स्थान उक्लिँदै ८७औं स्थानमा पुगेको हो।
यो स्थान नेपाली महिला टोलीको अहिलेसम्मको सबैभन्दा राम्रो प्रदर्शन हो। यसअघि नेपाल ९१औं स्थानमा रहेको थियो।
फिफा वरीयतामा नेपालले यसपटक कुल ४६.४९ अंकको सुधार गरेको छ। यसअघि १००औं स्थानमा रहेको नेपाल अब ८७औं स्थानमा पुग्दा एसियाली देशहरूमा १६औं स्थानमा उक्लिएको छ।
नेपालले हालै सम्पन्न महिला एएफसी एसियन कप छनोटमा उत्कृष्ट प्रदर्शन गर्दै श्रीलंका र लाओसमाथि स्पष्ट जित दर्ता गरेको थियो। साथै, बलियो टोली उज्बेकिस्तानसँगको बराबरीले समेत नेपालको अंक संकलनमा महत्वपूर्ण भूमिका खेलेको हो।
महिला फिफा वरीयतामा यसपटक स्पेन शीर्ष स्थानमा पुगेको छ भने पूर्व–नेता अमेरिका दोस्रो स्थानमा झरेको छ।
त्यसैगरी, नेपाली पुरुष टोली भने १७५औं स्थानमा यथावत् रहेको छ।
फिफा वरीयतामा नेपालले देखाएको यो प्रगति केवल अंकको खेल होइन — यो मेहनत, प्रतिबद्धता र देशप्रेमको परिणाम हो। नेपाली महिला फुटबल अब केवल दक्षिण एसियाली सीमामा सीमित छैन, उनीहरूले अन्तर्राष्ट्रिय स्तरमा आफ्नो उपस्थिति बलियो बनाउँदै गएका छन्।
यो खबर पढेर तपाईलाई कस्तो महसुस भयो ?
प्रतिक्रिया