काठमाडौं- चलचित्र ‘१२ गाउँ’ र ‘नरसिंह अवतार’मा प्रभावशाली अभिनय प्रस्तुत गरी दर्शकको मन जितिसकेकी अभिनेत्री सनिशा भट्टराई अब रंगमञ्चमार्फत अभिनयको नयाँ अध्याय सुरु गर्न लागेकी छिन्।
कान्तिपुर फिल्म एकेडेमीले निर्माण गर्न लागेको चर्चित साहित्यकार परशु प्रधानको कथामा आधारित नाटक ‘शिरिषको फूल’ मा उनले मुख्य पात्र ‘सकम्बरी’ को भूमिकामा रंगमञ्चीय डेब्यु गर्न लागेकी हुन्। यो नाटकमार्फत् उनी पहिलोपटक रंगमञ्चमा प्रस्तुत हुँदैछिन्, जुन कुरा नेपाली नाट्यप्रेमीहरूका लागि उत्साहजनक खबर हो।
सनिशाको साथमा रंगमञ्चमा अभिनेता जीवन लुइँटेल (सुयोगवीर) पनि देखिँदै छन्। लुइँटेल र भट्टराईको मञ्चीय सहकार्यले नाटकलाई थप आकर्षक बनाउने अपेक्षा गरिएको छ।
नाटक ‘शिरिषको फूल’ को तयारी अन्तिम चरणमा पुगेको छ र चाँडै नै मञ्चन गरिने आयोजकले जनाएको छ। सिनेमाबाट रंगमञ्चतर्फको सनिशाको यो यात्रा नेपाली अभिनय क्षेत्रमा बहुआयामिक क्षमता भएका कलाकारका रूपमा उभिन खोजिरहेको संकेत हो।
यो खबर पढेर तपाईलाई कस्तो महसुस भयो ?
प्रतिक्रिया