काठमाडौँ। आज २०८३ साल वैशाख ११ गते शुक्रबार। वैशाख शुक्ल पक्षको अष्टमी तिथि। लोकतन्त्र दिवस, गोरखकाली पूजा। तदनुसार सन् २०२६ अप्रिल २४ तारिख। नक्षत्र अनुसार १२ वटा राशि हुन्छन्। चन्द्रमा अनुसार राशि र नक्षत्रका पद अनुसार नाम राखिन्छ। त्यही आधारमा व्यक्तिको दैनिकीको विषयमा भविष्यवाणी हुन्छ।
मेष: आजको दिन केही सुस्त रहन सक्छ। काममा सोचेजस्तो सफलता पाउन ढिलाइ हुनेछ। मानसिक तनाव र चिन्ता बढ्न सक्ने हुनाले योग र ध्यानमा समय बिताउनु राम्रो हुन्छ। शनिदेवको उपासनाले लाभ मिल्नेछ।
वृष: आम्दानीका नयाँ स्रोतहरू फेला पर्नेछन्। रोकिएका पुराना कामहरू साथीभाइको सहयोगमा सम्पन्न हुनेछन्। लामो समयदेखिको योजना सफल हुनाले मनमा उत्साह रहनेछ। साँझपख सत्कार्यमा धन खर्च हुन सक्छ।
मिथुन: कार्यक्षेत्रमा तपाईंको प्रभाव बढ्नेछ। नयाँ जिम्मेवारी वा पदोन्नतिको योग छ। सरकारी र प्रशासनिक काममा सफलता मिल्नेछ। समाजमा तपाईंको व्यक्तित्वको कदर हुनेछ र नयाँ मानिसहरूसँग सम्पर्क बढ्नेछ।
कर्कट: भाग्यले साथ दिनेछ। धार्मिक र आध्यात्मिक क्रियाकलापमा मन जानेछ। तीर्थयात्रा वा धार्मिक भ्रमणको योजना बन्न सक्छ। वैदेशिक क्षेत्रसँग सम्बन्धित काममा लागेकाहरूका लागि आजको दिन विशेष फलदायी हुनेछ।
सिंह: स्वास्थ्यमा केही समस्या देखिन सक्छ, त्यसैले सावधानी अपनाउनुहोला। अचानक खर्च बढ्नाले आर्थिक व्यवस्थापनमा कठिनाइ हुन सक्छ। सवारी साधन र मेसिनरी सामानको प्रयोग गर्दा विशेष सतर्क रहनुहोला।
कन्या: साझेदारी र व्यापार व्यवसायमा लाभ मिल्नेछ। जीवनसाथीसँगको सम्बन्ध सुमधुर रहनेछ र सँगै भ्रमण गर्ने अवसर मिल्न सक्छ। नयाँ सम्झौता वा व्यापार विस्तारका लागि आजको दिन निकै राम्रो छ।
तुला: प्रतिस्पर्धा र परीक्षामा सफलता मिल्नेछ। शत्रुहरू आफैँ किनारा लाग्नेछन्। स्वास्थ्यमा सुधार आउनेछ र शरीरमा स्फूर्ति बढ्नेछ। मामाघर पक्षबाट केही सहयोग वा शुभ समाचार प्राप्त हुन सक्छ।
वृश्चिक: बौद्धिक र रचनात्मक काममा रुचि बढ्नेछ। विद्यार्थी वर्गका लागि अध्ययनमा प्रगति हुने समय छ। सन्तानको व्यवहारले मनमा खुसी मिल्नेछ। प्रेम सम्बन्धमा निकटता आउनेछ र भावना साटासाट हुनेछ।
धनु: पारिवारिक विषयलाई लिएर केही विवाद हुन सक्छ। घरजग्गाको कारोबारमा हतार नगर्नुहोला। आमाको स्वास्थ्यप्रति संवेदशिल रहनु आवश्यक छ। अनावश्यक यात्राले शरीरलाई थकाइ र मनलाई अशान्ति दिन सक्छ।
मकर: तपाईंको पराक्रम र साहसको चर्चा हुनेछ। सामाजिक कार्यमा नेतृत्वदायी भूमिका निर्वाह गर्ने अवसर मिल्नेछ। छोटो दूरीको यात्रा फलदायी रहनेछ। दाजुभाइ र सहयोगीहरूको पूर्ण साथ पाइनेछ।
कुम्भ: आर्थिक लाभ हुने र धन सञ्चय गर्ने अवसर मिल्नेछ। कुटुम्ब र आफन्तजनसँगको भेटघाटले रमाइलो वातावरण सिर्जना गर्नेछ। बोलीको प्रभावले रोकिएका कामहरू बन्नेछन्। मिठो भोजनको आनन्द लिनुहुनेछ।
मीन: आज तपाईंको मनमा शान्ति र शरीरमा ऊर्जा रहनेछ। नयाँ कामको सुरुवात गर्न आजको दिन निकै शुभ छ। मान(सम्मानमा वृद्धि हुनेछ। स्वास्थ्य राम्रो रहनेछ र सबैले तपाईंको कार्यको प्रशंसा गर्नेछन्।
राशिफलले जे जस्तो भनेपनि तपाइँहरुको आजको दिन मङ्गलमय र शुभ बनोस् ।
यो खबर पढेर तपाईलाई कस्तो महसुस भयो ?
प्रतिक्रिया