कृष्ण जन्माष्टमीमा यी पाँच स्थानमा मयूरको प्वाँख राख्दा बढ्छ सौभाग्य, घरमा छाउँछ शान्ति र सुख

काठमाडौँ – जन्माष्टमीको पर्व साउन ३१ गते भाेली शनिबार मनाइदैछ। यस दिन मानिसहरूले मध्यरातमा उपवास, पूजा र श्रीकृष्णको जन्मजयन्ती मनाउँछन्।

जन्माष्टमीको दिन मानिसहरूले आफ्नो समस्याबाट मुक्त हुन धेरै उपायहरू पनि अपनाउँछन्। यस दिन लिने सबैभन्दा सरल उपायहरू मध्ये एक घरमा मयूरको प्वाँख राख्नु हो। जन्माष्टमीको पवित्र दिनमा, तपाईंले मयूरको प्वाँख ल्याउनु पर्छ र यसलाई आफ्नो घरमा राख्नु पर्छ।

मयूरको प्वाँखको शुभता श्री कृष्णसँग सम्बन्धित छ। भगवान कृष्णलाई मयूरको प्वाँख बढी मन पर्छ। आमा यशोदाले कृष्णलाई सजाएर उनको टाउकोमा मयूरको प्वाँख लगाइदिनुहुन्थ्यो, जुन उनको सुन्दरताको लागि प्रेमको प्रतीक थियो। मयूरको प्वाँख कृष्णसँगको विशेष सम्बन्धको कारणले शुभ मानिन्छ।

ज्योतिषी शास्त्रका अनुसार घरमा केही ठाउँमा मयूरको प्वाँख राख्नु धेरै शुभ मानिन्छ। विशेष गरी जन्माष्टमीको दिनमा मयूरको प्वाँख राख्नु बढी प्रभावकारी मानिन्छ।

कुन कुन ठाउँमा मयूरको प्वाँख राख्नु शुभ हुन्छ, जानौं।

तपाईं बालबालिकाको अध्ययन कक्ष वा उनीहरूले पढ्ने ठाउँमा मयूरको प्वाँख राख्न सक्नुहुन्छ। किनभने यसको सकारात्मक ऊर्जाले दिमागलाई स्थिर बनाउँछ र ध्यान भटकन दिँदैन। साथै, बालबालिकाको कोठामा मयूरको प्वाँख राख्नाले नकारात्मकताको प्रभावलाई पनि टाढा राख्छ।

नकारात्मक ऊर्जा हटाउन बैठक कोठामा पनि राख्न सक्नुहुन्छ। यसका साथै, तिजोरीमा, पैसा राख्ने ठाउँमा वा घरको उत्तर दिशामा मयूरको प्वाँख राख्नु पनि शुभ हुन्छ।

सुखी वैवाहिक जीवन, मानसिक शान्ति र पति-पत्नी दुवैको राम्रो स्वास्थ्यको लागि शयनकक्षमा पनि मयूरको प्वाँख राख्न सकिन्छ। यसले वातावरण शुद्ध र सकारात्मक बनाउँछ।

वास्तुशास्त्र अनुसार घरमा पूजा गर्ने ठाउँमा मयूरको प्वाँख राख्नु पनि शुभ मानिन्छ। यस स्थानमा मयूरको प्वाँख राख्नाले देवीदेवताहरूको आशीर्वाद रहन्छ, आध्यात्मिक प्रगति हुन्छ र सुख र सौभाग्य बढ्छ। पूजा कोठामा श्रीकृष्णको मूर्ति वा तस्वीर छ भने त्यसको नजिकै मयूरको प्वाँख पनि राख्न सकिन्छ।