पुजन काफ्लेको ‘छड्के तिलहरी’

काठमाडौं- पुजन काफ्लेले तीजको नयाँ गीत सार्वजनिक गरेकी छन् । तीजको पूर्वसन्ध्यामा उनले ‘छड्के तिलहरी’ बोलको गीत सार्वजनिक गरेकी हुन् ।

गीतमा शब्द, संगीत तथा स्वर पुजन काफ्लेको रहेको छ । सार्वजनिक गीतमा आदेश गुर्मछानको संगीत संयोजन छ ।

गहना पाउँदाको खुसी समेटिएको गीतमा गहना महिलाको सौन्दर्यसँग जोडिएको यथार्थ छ । तीजमा सँगै मिलेर नाच्ने गाउने परम्परागत संस्कृतिलाई गीतले समेटेको छ ।

केशबराज भट्टको कोरियोग्राफी र निर्देशन रहेको भिडियोमा शिला गजुरेल, संस्कृति भुजेल र एलिजा काफ्लेको नृत्य छ । भिडियोको छायांकन अजय रेग्मीले र सम्पादन राकेश दाहालले गरेका छन्। भिडियो पुजन काफ्लेको अफिसियल च्यानल मार्फत सार्वजनिक गरिएको छ।