काठमाडौँ – भारतीय चलचित्र क्षेत्रका बहुप्रसिद्ध अभिनेता अमिताभ बच्चनले चाँडै नै ‘कौन बनेगा करोडपति’ छोड्ने सोचमा छन्। यस्तो अवस्थामा, प्रश्न यो छ कि उनीपछि रियालिटी शो कसले होस्ट गर्नेछ भनेर सबैकाे चासाेकाे बिषय बनेकाे छ।
अमिताभ बच्चनले आफ्ना उत्कृष्ट चलचित्रहरूसँगै टिभी उद्योगमा आफ्नो छाप छोड्न सफल भए, उनी वर्षौंदेखि टिभी रियालिटी शो ‘कौन बनेगा करोडपति’ होस्ट गर्दै आएका छन्।
उनी सन् २००० देखि कार्यक्रमको होस्ट सिटमा बस्दै आएका छन्। तर, अब बिग बी यो जिम्मेवारीबाट मुक्त हुन चाहन्छन्। यदि यस्तो भयो भने ‘कौन बनेगा करोडपति’ को सिंहासन कसले सम्हाल्नेछ ?
मनी कन्ट्रोलका अनुसार ८२ वर्षीय अमिताभ बच्चनले आफ्नो कामको बोझ कम गर्न ‘कौन बनेगा करोडपति’ छोड्ने सोचमा छन्। बिग बीले ‘केबीसी १५’ को समयमा सोनी टिभीलाई आफूले अन्तिम पटक यो कार्यक्रम होस्ट गर्दैछु भनी बताएका थिए। तर सही होस्ट नभेटेका कारण, बिग बीले ‘कौन बनेगा करोडपति’ को १६ औं सिजन पनि होस्ट गरिरहेका छन्।
दर्शकहरू अमिताभ बच्चनको सट्टा यी सुपरस्टारलाई हेर्न चाहन्छन्
अमिताभ बच्चन सम्भवतः अन्तिम पटक ‘कौन बनेगा करोडपति’ को मञ्चमा होस्टको रूपमा देखिँदैछन्। कार्यक्रमको नयाँ होस्टको खोजी सुरु भएको छ। इन्डियन इन्स्टिच्युट अफ ह्युमन ब्रान्ड्स (IIHB) र एक विज्ञापन एजेन्सीले हालै गरेको एक अध्ययनले ७६८ जनामा सर्वेक्षण गरेको थियो, जसमा ४०८ पुरुष र ३६० महिला थिए।
यस समयमा, शाहरुख खानलाई ‘केबीसी’ को अर्को होस्टको लागि सबैभन्दा राम्रो विकल्प मानिएको थियो। शाहरुख खानले यसअघि पनि यो रियालिटी शो होस्ट गरिसकेका छन्। उनले २००७ मा ‘केबीसी सिजन ३’ होस्ट गरेका थिए।
ऐश्वर्या राय पनि मानिसहरूको रोजाइमा
शाहरुख खान पछि, यस सर्वेक्षणमा अर्को नाम अमिताभ बच्चनकी बुहारी ऐश्वर्या रायको थियो। क्रिकेटर महेन्द्र सिंह धोनी तेस्रो नम्बरमा थिए। तर, अमिताभ बच्चनपछि ‘कौन बनेगा करोडपति’ कसले होस्ट गर्नेछ भन्ने बारेमा कुनै आधिकारिक नाम खुलाइएको छैन।
यो खबर पढेर तपाईलाई कस्तो महसुस भयो ?
प्रतिक्रिया