पवन सिंहको नयाँ गीत ‘आरा के उठलाली’ सार्वजनिक

काठमाडौँ – भोजपुरी पावर स्टार पवन सिंह आज आफ्नो जन्मदिन मनाउँदै छन्। यसै अवसरमा सुपरस्टारको नयाँ गीत ‘आरा के उठलाली’ सार्वजनिक भएको छ ।

भोजपुरी सिनेमाका पावर स्टार पवन सिंहले नयाँ वर्ष २०२५ को सुरुवात एक दमदार गीतबाट गरेका छन् । आज उनको जन्मदिन हो र यसै अवसरमा उनको नयाँ गीत ‘आरा के उठलाली’ सार्वजनिक भएको छ । यो गीतले युट्युबमा धुम मच्चाइरहेको छ र भोजपुरी दर्शकको मन मात्रै जितेको छैन सामाजिक सञ्जालमा पनि भाइरल भइरहेको छ ।

युट्युबमा रिलिज भएको सारेगामा हम भोजपुरीको गीत ‘आरा के उठलाली’ केही घण्टामै लाखौं भ्युज भएको छ । गीतले ट्रेन्डिङको सूचीमा स्थान बनाएको छ ।

यस भिडियोमा पवन सिंहसँग नयाँ अभिनेत्री सोनम मलिक देखिएकी छिन् । यो सोनमको भोजपुरी डेब्यू हो र दर्शकले पवन सिंहसँग उनको केमेस्ट्री मन पराइरहेका छन् । भिडियोमा दुबैको प्रस्तुतिले गीतको उर्जा थपिएको छ ।

‘आरा के उठली’ गीतमा पवन सिंह र चर्चित गायिका कल्पना पटवारीले स्वर दिएका छन् । यस गीतमा कल्पना पटवारीको स्वर र पवन सिंहको स्वरको संयोजनले यसलाई थप विशेष बनाएको छ ।

‘आरा के उठलाली’ गीतलाई आशुतोष तिवारीले लेखेका हुन् भने संगीत प्रियांशु सिंह र रजत नागपालले दिएका छन् । गीतको म्युजिक भिडियो पनि दर्शकमाझ चर्चाको विषय बनेको छ ।

आफ्नो जन्मदिनको अवसरमा यो गीत सार्वजनिक गरेपछि पवन सिंहले आफ्ना फ्यानहरुलाई धन्यवाद दिएका छन् । पावर स्टारले उक्त गीतलाई भोजपुरी उद्योगको सबैभन्दा ठूलो गीत बनाउन आग्रह गर्दै पवन सिंहले भने, ‘आरा के उठलाली’ गीत मात्रै होइन, मेरो मुटुको नजिक छ । मैले मनबाट गाएको छु र यो गीत भोजपुरीसँगै हिन्दी दर्शकले पनि मन पराउनेछन् । मलाई आशा छ कि मेरा फ्यानहरूले यसलाई माया र आशीर्वाद दिनुहुनेछ।