गायिका बविना भट्टराईको नयाँ गीत ‘भेट्नु र छुटिनु’ सार्वजनिक

काठमाडौँ- गायिका बविना भट्टराईको नयाँ गीत ‘भेट्नु र छुटिनु’ सार्वजनिक भएको छ । सरला श्रेष्ठको शब्द र निर्मल दियालीको संगीतमा तयार भएको यो गीत सामाजिक सञ्जालमा एकैसाथ सार्वजनिक गरिएको हो ।

‘मेचीदेखि महाकाली सम्म’ कार्यक्रमको प्रस्तुति र इमेज एफएम ९७.९ को सहयोगमा सार्वजनिक भएको यो गीतको एरेन्ज बुद्ध स्याङ्वाले गरेका हुन् भने मिक्सिङ र मास्टरिङ प्रकाश मिश्रको रहेको छ । गीतको रेकर्डिङ अकष्टिक नेपाल स्टुडियो, नक्सालमा राजा बाबु थारु र दिल समर्पणले गरेका छन् ।

गीतको भिडियोमा गायिका बविना भट्टराईलाई गीतको भावमा डुबेको देख्न सकिन्छ । ए.जे अजुले म्युजिक भिडियो निर्देशन गरेका छन् भने सम्पादन र कलर अनिल विष्ट प्युठानीले गरेका छन् ।

गीतको भिडियोमा रिया श्रेष्ठको नृत्यले विशेष आकर्षण थपेको छ, जसले भिडियोलाई अझ जीवन्त बनाएको छ ।