काठमाडौँ– गायक उत्तम पौडेल (अनन्त) ले पानबुट्टे चोलीमा बोलको गीत सार्वजनिक गरेका छन् । गायक पौडेल र सुनीता बुढा क्षेत्रीको आवाजमा सजिएको उक्त गीत बुधवार युट्युबमार्फत सार्वजनिक गरिएको हो ।
गीतको भिडियोमा चर्चित कोरियोग्राफर तथा मोडल सुनील क्षेत्री र करिष्मा ढकालको अभिनय देख्न सकिन्छ । छमछमी नाच्न मिल्ने उक्त गीतमा विष्णु भट्टको शब्द र संगीत रहेको छ भने विनोद बाजुरालीको एरेन्ज रहेको छ ।
गायक पौडेलले यो गीत आफ्नै युट्युब च्यानलबाट सार्वजनिक गरेका हुन् । आगामी दिनमा पनि अरु थप कोशेली ल्याउने उनले बताए ।
पौडेलले दर्शकका लागि यो पहिलो कोशेली भएको र रिलिजपछि सकारात्मक प्रतिक्रिया पाएको बताए । ‘यो श्रृङ्गारिक कोशेलीलाई दर्शकले रुचाउनुभएको छ । लोक संगीतका क्षेत्रमा पनि केही गरौँ भन्ने लागेर दर्शकमाझ पहिलो कोशेली ल्याएको हुँ । दर्शकको मायाले खुशी लागेको छ ।,’ उनले भने ।
प्रेमका भाव झल्किएको गीतको भिडियोलाई सुनील क्षेत्रीको निर्देशन रहेको छ भने अमृत चापागाईँको भिडियो सम्पादन रहेको छ । गीतलाई मालाश्री रेकर्डिङ स्टुडियोमा रेकर्ड गरिएको हो ।
हेर्नुस् भिडियो:
यो खबर पढेर तपाईलाई कस्तो महसुस भयो ?
प्रतिक्रिया