काठमाडाैँ- ‘वुमन अफ द वर्ल्ड फेस्टिभल नेपाल’ सम्पन्न भएकाे छ ।
आइतबार सम्पन्न भएकाे कार्यक्रमको याे सातौँ संस्करण हो । नेपाल ललितकला प्रज्ञा–प्रतिष्ठानलगायतका विभिन्न सङ्घसंस्थाको सहभागिता तथा ब्रिटिस काउन्सिल र काठमाडौँ महानगरपालिकाको आयोजनामा शनिवारबाट ‘वुमन अफ द वर्ल्ड फेस्टिभल नेपाल’ शुरु भएको थियाे ।
काठमाडौँको नक्सालस्थित नन्दिकेशर बगैँचामा भएको उक्त कार्यक्रममा काठमाडौँ महानगरपालिका उपप्रमुख सुनिता डङ्गोल प्रमुख अतिथिका रूपमा सहभागी थिइन्।
मुख्यतः किशोरी, महिला र तेस्रो लिङ्गीका जीवन, सङ्घर्ष र कामलाई समेटेर आयोजना गरिएका विविध कार्यक्रममा योग, संवाद, सङ्गीत, नृत्य, नाटक, कला कार्यशाला तथा प्रदर्शनी, चलचित्र प्रदर्शनीलगायतका विषय समावेश गरिएका थिए ।
समाजका हरेक क्षेत्रलाई परिवर्तनका लागि आवश्यक प्रेरणा, ऊर्जा तथा साधन उपलब्ध गराउने यस कार्यक्रम मूलतः आफ्ना कथा भन्ने, विचार साटासाट गर्ने र नयाँ सम्बन्धहरू बुन्ने ठाउँ हो ।
यस उत्सवमा कला कार्यशालाअन्तर्गत सिजर्ना गरिएका कलाकृतिको प्रदर्शनी सोमवारबाट ललितकला प्रज्ञा–प्रतिष्ठानमा शुरु हुनेछ ।
प्रतिष्ठानका हस्तकला विभाग प्रमुख अरुणा हिङमाङले संयोजन गरेकाे कार्यक्रममा कलाकारहरू सौरगंगा दर्शनधारी, मिथिलादेवी यादव, संगी श्रेष्ठ, निरिमाया लामा, एरिना ताम्राकार, प्रमिला बज्राचार्य, सुनिता राणा, उसिना महर्जन, ज्योति खड्का, कलादेवी लिम्बू, सम्झना राजभण्डारी, रिजु बर्देवा, नम्रता सिंह, रुबी महर्जन, एन्जिला जोशी, विपना महर्जन, सविता डङ्गोल, दीपमाला महर्जन, सरिना लामिछाने, प्रतीक्षा तिवारीलगायतकाे सहभागिता थियो ।
प्रदर्शनी मङ्सिर १५ गतेसम्म चल्ने छ ।
यो खबर पढेर तपाईलाई कस्तो महसुस भयो ?
प्रतिक्रिया