ऋषव पन्तलाई दिल्लीले रिटेन नगर्ने

काठमाडौँ भारतका विकेटकिपर ब्याटर ऋषव पन्तलाई आईपीएल टिम दिल्ली क्यापिटल्सले रिटेन नगर्ने भएको छ ।

मिडियामा आएका रिपोर्टका अनुसार दिल्लीले पन्तलाई रिटेन नगर्ने भएपछि उनी मेगा अक्सनमा जाने भएका छन् । दिल्लीले अक्षर पटेल, कुलदीप यादव, ट्रीसटियन स्टबस र अभिषेक पोरेललाई मात्र रिटेन गर्ने भएको छ ।

दिल्लीसँग मेगा अक्सनमा २ ‘राइट टू म्याच’ कार्ड हुने भएकाले अक्सनका क्रममा पन्तलाई किन्ने प्रयास गर्न सक्ने मिडिया रिपोर्टमा उल्लेख गरिएको छ ।

पन्त दिल्लीमा २०१६ मा आबद्ध भएका थिए । उनी २०२२ देखि दिल्लीको कप्तान समेत थिए । आईपीएल टोलीले आफूले रिटेन गरेका खेलाडीको सूची गर्भर्निङ काउन्सिललाई बुझाउने समय आज साँझ ५ बजेसम्म छ ।