काठमाडौँ – अमेरिकाका पूर्वराष्ट्रपति डोनाल्ड ट्रम्पमाथि एक पूर्वमोडेलले यौन दुर्व्यवहारको आरोप लगाएकी छन् ।
एक अन्तर्वार्तामा स्टेसी विलियम्सले सन् १९९० को दशकको सुरुवातमा ट्रम्प टावरमा रहेको ट्रम्प अफिसमा भएको उक्त घटनाको बारेमा विस्तृत कुरा गरेकी हुन् ।
विलियम्स त्यतिबेला २० वर्ष आसपासको उमेरकी थिइन् र त्यतिबेला उनले जेफरी एप्सटिनलाई डेट गरिरहेकी थिइन् ।
विलियम्सका अनुसार सन् १९९३ मा एप्सटिनले उनलाई ट्रम्पसँग भेटाउन ट्रम्प टावर लगेका थिए । अफिसबाहिर भेटेर स्वागत गरेका ट्रम्पले त्यसपछि उनलाई आफूतिर ताने ।
‘त्यसपछि उनको हात त्यहाँबाट हटेन,’ विलियम्सले भनिन्, ‘बिस्तारै ट्रम्पले आफ्नो हात मेरो स्तन, मेरो नितम्बमा पुर्याउन थाले । म स्तब्ध थिएँ । के भइरहेको छ भन्ने मैले बुझ्नै सकिनँ ।’
‘ट्रम्पले यसो गरिरहँदा उनी एप्सटिनसँग हाँसेर कुराकानी गरिरहेका थिए,’ उनले भनिन् । एप्सटिनलाई देखाउनकै लागि ट्रम्पले यस्तो हर्कत गरेको विलियम्सको दाबी छ ।
उक्त घटनाको केही दिनपछि ट्रम्पले विलियम्सको मोडलिङ एजेन्सीमा पाम बिचमा रहेको उनको मार–ए–लागो रिसोर्टको तस्वीरसहितको पोस्ट कार्ड पठाएका थिए ।
यता, ट्रम्पको अभियानले विलियम्सको आरोपको अस्वीकार गरेको छ । विलियम्स राष्ट्रपति पदकी उम्मेदवार रहेकी उपराष्ट्रपति कमला ह्यारिसको अभियानसँग जोडिएको अभियानको दाबी छ ।
यो खबर पढेर तपाईलाई कस्तो महसुस भयो ?
प्रतिक्रिया