काठमाडौँ– नायक विपिन कार्की र्यापर बनेका छन् । यसअघि फिल्म ‘छड्के’मा समेत गीत गाएका उनले आगामी फिल्म ‘पहाड’मा भने र्याप गरेका हुन् ।
गीतलाई महाराजगञ्जस्थित भेनस स्टुडियो रेकर्ड गरिएको छ । रञ्जित गजमेरको संगीत रहने यो गीतलाई तुलसीले लेखेका हुन् ।
गीतमा भारती घिमिरे र अर्का गायकको समेत स्वर समावेश हुनेछ । फिल्ममा ४ गीत हुनेछन् । यो फिल्मलाई तुलसी घिमिरेले निर्देशन गर्दै छन् । घिमिरेको यो २३ औं निर्देशकीय फिल्म हुनेछ ।
फिल्ममा विपिन शीर्ष भूमिकामा देखिदै छन् । तिहारपछि छायाङ्कन तयारीमा रहेको फिल्ममा कार्कीसहित मदनकृष्ण श्रेष्ठ, सुनिल थापाको पनि अभिनय हुने जनाइएको छ । नेपालको पहाडी क्षेत्र र भारतको मुम्बईमा बाँकी छायाङ्कन गर्ने तयारी छ ।
यो खबर पढेर तपाईलाई कस्तो महसुस भयो ?
प्रतिक्रिया