रियल म्याड्रिडको जितमा एम्बाप्पेको दुई गोल

काठमाडौँ – स्पेनिस ला लिगा अन्तर्गत रियल म्याड्रिडले रियल बेटिसलाई पराजित गरेको छ ।

गएराती सम्पन्न खेलमा रियल म्याड्रिडले रियल बेटिसलाई २-० गोल अन्तरले पराजित गरेको हो ।

रियल म्याड्रिडको जितमा दुवै गोल किलीयन एम्बाप्पेले गरेका हुन् । उनले खेलको ६७औँ र ७५औँ मिनेटमा गोल गरेका थिए । ला लिगामा एम्बाप्पेको चौथो खेलमा पहिलो पटक गोल गरेका हुन् । 

रियल म्याड्रिडको यस सिजनमा यो दोस्रो जित हो । यो जितपछि चार खेलमा रियल म्याड्रिडको ८ अङ्क भएको छ र लिगमा दोस्रो स्थानमा रहेको छ । 

त्यस्तै रियल बेटिसको भने ३ खेलमा २ अङ्क रहेको छ ।