काठमाडौँ– रोबोटबाट नेपालमै पहिलो पटक शल्यक्रिया सम्पन्न गरेको छ । आइतबार ललितपुरको बीएण्डबी अस्पतालमा पहिलो पटक रोबोटबाट शल्यक्रिया गरेको हो ।
रोबोटिक प्रक्रियाबाट अस्पतालमा एकैदिन तीन जनाको शल्यक्रिया गरिएको हो । अस्पतालका अनुसार आइतबार मात्रै एक ५२ वर्षीया महिलाको पाठेघर, ३१ वर्षीया महिलाको ओभरीको सिस्ट र अर्की ३४ वर्षकी महिलाको पाठेघरको ट्युमर निकालिएको हो ।
वरिष्ठ प्रसुती तथा स्त्री रोग विशेषज्ञ डाक्टर नुतन शर्माले रोबोटबाट सो तीन महिलाको शल्यक्रिया गरेकी हुन् । हालसम्म तीन जना बिरामीको डिस्चार्ज भइसकेको अस्पतालले जनाएको छ ।
रोबोटिक शल्यक्रियालाई भारतको मोरदावादस्थित एपेक्स अस्पतालकी निर्देशक डाक्टर लिना मेहरोटाले स्क्रिन शेयर गरेर अनुगमन गरिरहेकी थिइन् ।
यो खबर पढेर तपाईलाई कस्तो महसुस भयो ?
प्रतिक्रिया