मनाङमा छायाङ्कन गरिएको हिन्दी गीत ‘तस्वीर’ सार्वजनिक (भिडियो)

काठमाडौँ– नेपालको मनाङ जिल्लामा छायाङ्कन गरिएको हिन्दी गीतको भिडियो सार्वजनिक गरिएको छ । भवसागर इन्टरटेनमेन्ट नामक युट्युब च्यानलमार्फत सार्वजनिक गरिएको सो गीतमा मनाङका मनोरम दृश्यहरू समेटिएको छ ।

भिडियोमा भारतबाट नेपालको मनाङ घुम्न आएका पर्यटक त्यहाँको सुन्दरतामा रमाएको देख्न सकिन्छ । नेपालको बाह्य पर्यटन विकासको लागि फिल्म र म्युजिक भिडियोहरु पनि एउटा बलियो माध्यम बन्ने गरेका छन् ।

अम्बिका गुरुङको शब्द रचना र शंकर थापा ‘स्माइल’को कर्णप्रिय संगीतमा तयार ‘तस्वीर’ बोलको गीतमा इस्माइल दासको स्वर रहेको छ । यस्तै गीतलाई याकुब तामाङको एरेन्ज गरेका हुन् ।

केशवराज भट्टको निर्देशनमा बनेको भिडियोमा भिडियोमा प्रभातपाल ठकुरी र प्रनिमा दाहालको अभिनय रहेको छ । यस्तै भिडियोमा उत्सव दाहालको सिनेमाटोग्राफी , मिलन श्रेष्ठ र बन्दे प्रसादको सम्पादन रहेको छ ।

गीत गायन देखि संगीत कर्मसम्म त्यतिकै पोख्त मानिने ‘तस्वीर’ गीतका म्युजिक डाइरेक्टर शंकर थापा ‘स्माइल’ले संगीत भरेका युगल गायन ,चलचित्र देखि सुगम संगीत सम्मका गीतहरु दर्शकको रोजाइमा पर्दै आएका छन् ।