काठमाडौँ– फेसबुकको मातृ कम्पनी मेटाले एआई आधारित रे–बन स्मार्ट ग्लास चस्मामा नयाँ अपडेट ल्याउने भएको छ ।
कम्पनीले चस्माबाटै ह्वाट्सएप र मेसेन्जरमा भिडिओ कल गर्न समिने सुविधा ल्याउन लागेको अन्तर्राष्ट्रिय सञ्चामाध्यमहरुले जनाएका छन् । यो सुविधा आएपछि प्रयोगकर्ताले देख्ने वास्तविक दृश्य भिडिओ कलमा शेयर हुनेछ ।
अझ रोचक कुरा त चस्मामार्फत हुने भिडियो कलको क्षमता हातको प्रयोग नगरी चलाउने खालको हुने बताइएको छ । जसका कारण प्रयोगकर्ताहरूले आफूले देख्ने सबै दृश्य सजिलै शेयर गर्न सक्ने मिडिया रिपोर्टमा उल्लेख गरिएको छ ।
योसँगै चस्मामा अडिओ र १२ मेगापिक्सेलको अल्ट्रा वाइड क्यामेरा पनि राखिएको कम्पनीले जनाएको छ । त्यस्तै, अमेरिका र क्यानडाका प्रयोगकर्ताका लागि भने चस्मामा मेटा एआईको पनि प्रयोग हुनेछ ।
जसले चस्मामा भएको एआईले विभिन्न काम सम्पन्न गर्न एसिस्ट गर्ने, कनेक्सन बनाउने, भोइस कमान्डका माध्यमबाट तुरुन्तै सूचना दिने लगायतका धेरै काम गर्नेछ ।
यो खबर पढेर तपाईलाई कस्तो महसुस भयो ?
प्रतिक्रिया