एजेन्सी– अन्तरिक्षमा एस्ट्रोनट्स अर्थात खगोलविद् मात्र नभई आम मानिसहरूलाई पनि पठाउन सक्ने उपायको खोजीमा विश्वभरका वैज्ञानिकहरू लागिपरेका छन् । अन्तरिक्षमा बस्ती नै बसाउने योजना वैज्ञानिकहरूले बनाएका छन् ।
यस्तै न्यूयोर्कको एक स्पेस टेक कम्पनीले त अन्तरिक्षमै खास डिनरको आयोजना गर्ने घोषणा पनि गरिसकेको छ । योसँगै पछिल्लो समय अन्तरिक्षमा पनि शारीरिक सम्बन्ध राख्न सकिन्छ त ? भन्ने प्रश्नले समेत चर्चा पाइरहेको छ ।
केही समयअघि अमेरिकी अन्तरिक्ष निकाय नासाका पूर्वप्रमुख मेजर जनरल चाल्र्स फ्य्राङ्क बोल्डनले एउटा अन्तर्वार्तामा अन्तरिक्षमा पनि शारीरिक सम्बन्ध राख्न सम्भव हुनसक्ने बताएका थिए ।
उनले अन्तरिक्षमा पनि सबै कुरा पृथ्वीमा गरेजस्तै हुने तर शरीरलाई कन्ट्रोलमा राख्न मात्र अप्ठ्यारो पर्ने बताएका थिए ।
भविष्यमा मानिसहरू पुगेपछि कसरी सम्बन्ध राख्ने भन्नेबारे अध्ययन गरी सही यसको विकल्प खोजिने बताएका थिए ।
नासाले पनि यही जवाफलाई इन्डोर्स गरेको छ ।
यो खबर पढेर तपाईलाई कस्तो महसुस भयो ?
प्रतिक्रिया