सुनको भाउमा नयाँ रेकर्ड, वर्षको अन्तिम दिन कतिमा हुँदै छ कारोबार ?

काठमाडौँ – वि.स २०८० को अन्तिम दिन आज पनि सुनको मूल्यमा नयाँ रेकर्ड कायम भएको छ । 

पाल सुनचाँदी व्यवसायी महासङ्घका अनुसार आज एकै दिन तोलामा दुई हजार चार सय रुपैयाँले बढेर सुनको भाउ तोलाको एक लाख ३९ हजार पुगेको  हो । 

हिजो सुनको भाउ तोलामा एक लाख ३६ हजार छ सय रुपैयाँमा कारोबार भएको थियो । 

त्यस्तै चाँदीको भाउ पनि आज तोलामा ५० रुपैयाँ बढेको छ । हिजो तोलाको एक हजार सात सय रुपैयाँ रहेको चाँदी आज तोलामा एक हजार सात सय ५० मा कारोबार भइरहेको महासङ्घले जनाएको छ ।

अघिल्लो वर्ष चैत मसान्तका दिन सुनको भाउ तोलाको एक लाख १० हजार आठ सय रुपैयाँमा कारोबार भएको थियो । यस्तै चाँदी तोलाको एक हजार चार सय ५० रुपैयाँमा कारोबार भएको थियो ।