काठमाडौँ– कलाकार लिओ झन्कारको एकल कला प्रदर्शनी भएको छ ।
बबरमहलस्थित सिद्धार्थ आर्ट ग्यालरीमा हाल जारी रहेको प्रदर्शनीमा झन्कारले आफ्नो ग्रामिण परिवेश, संस्कृति र वस्तुहरुलाई कलाको फर्ममा अभिव्यक्त गरेका छन् ।
नेपालको पूर्वी पहाडका सांस्कृतिक पक्षहरु उनका रेखाचित्रहरुमा प्रतिविम्बित छन् । हाँडी, नाङ्लो जस्ता उनका चित्रहरुमा देखिएका आकृतिहरुले भौतिक वस्तुहरुसँग जोडिएको उनको स्मरणलाई झल्काउँछन् ।
हलो, कुटो, कोदालो जस्ता वस्तुहरु मार्फत् उनले गाउँको कृषि प्रणालीलाई प्रस्तुत गरेका छन् । शहरीकरण र आधुनिकीकरणमो होडमा ओझेल पर्दै गएका परम्परागत वस्तु, शैली, संस्कृति तथा प्रकृति प्रेम उनका चित्रहरुले अभिव्यक्त गरेका छन् ।
आफ्नो कलाकृतिहरुले आफू बाँचेको परिवेश, संस्कार र त्यहाँको प्रेमलाई चित्रण गरेको कलाकार झल्कारको धारणा छ । प्रदर्शनी यही शनिवारसम्म जारी रहनेछ ।
कलाकृतिहरु :
यो खबर पढेर तपाईलाई कस्तो महसुस भयो ?
प्रतिक्रिया