प्रदीपरत्न शाक्यको कविता: ज्वाइँ साहेब

–प्रदीपरत्न शाक्य

ज्वाईं साहेब !
मनको झलमल
सुम्पी दीएछु
तिम्रो घर जगमगाओस् !
बहार बनिरहोस्
तिम्रो बिपना
हराभरा रहोस तिम्रो छायाँ
मुटु दिएछु कन्यादान भनेर
जीवन नमुना बनिरहोस् !
खुट्किला बनिरहोस् उन्नति
लक्षका हरेक पाइला रहिहोस् समृद्धि
बनून् आँखाहरूमा तिमीहरू
शिलालेखका अनमोल रत्न सरी !
नडगमगाओस् मन
बाटाका आकार देखेर कहिल्यै
हरेक मौसम कल्पना सरी रहिरहोस्
किनारा बनून हलचल खुशिका
वसन्त अनुभूत गर्दै सँधै !
जीवन योद्धा हो मन्त्र यही भन्छु
परस्परता हतियार हो तन्त्र यही भन्छु
गौरवता पदचाप बनिरहून !
ज्वाईं साहेब !
मनको झलमल
सुम्पी दीएछु
तिम्रो घर जगमगाओस् !