काममा फर्किइन् नम्रता

काठमाडौँ – अभिनेत्री नम्रता श्रेष्ठ सर्ट फिल्म ‘मेरिओनेट्स’बाट काममा फर्किएकी छिन् । सामाजिक कथावस्तुमा बनेको छोटो एनिमेटेड फिल्म ‘मेरिओनेट्स’मा नम्रताले भ्वाइस एक्टरको भूमिकामा काम गरेकी हुन् ।

सामाजिक कथावस्तुमा तयार पारिएको छोटो एनिमेटेड फिल्म ‘मेरिओनेट्स’मा नम्रताले भ्वाइस एक्टरको भूमिकामा काम गरेकी हुन् । सोमबार सार्वजनिक भएको यो फिल्म सामाजिक सञ्जालमा सेयर गर्दै उनले उत्साह व्यक्त गरेकी छिन् ।

प्राज्निक अवस्थी निर्देशित छोटो एनिमेटेड फिल्ममा नम्रता र अनुष्का पाण्डेको स्वर छ । जेसन कुँवरले संगीत दिएका छन् । अष्ट्रेलिया स्क्रिन क्यानबेरा नामक कम्पनीसँग मिलेर यो छोटो फिल्म निर्माण गरिएको हो । फिल्ममा नम्रताले आमाको क्यारेक्टरमा आवाज दिएकी छन् भने अनुष्काले छोरीको भूमिकामा आवाज दिएकी छन् ।